Генерал-потполковник Ѓурчиновски учествува на 181. заседание на ВК на НАТО
Началникот на генералштабот на Армијата, генерал-потполковник Васко Ѓурчиновски, учествува на 181. заседание на воениот комитет (ВК) на НАТО, во формат на началници на генералштабови кое се одржува денеска во седиштето на НАТО во Брисел, информираат од Генералштабот.
Оттаму соопштуваат дека на дискусијата од првата сесија на заседанието, првите луѓе на армиите биле информирани за клучните стратешки прашања со кои се соочува Алијансата.
На заседанието на ВК на НАТО, како што информираат од Генералштабот, се разговара за планови и насоки од воен аспект за понатамошно дејствување и се донесуваат препораки кои понатаму се разгледуваат на состаноци во формат на министри за одбрана од кои следниот е во јуни.
– Учеството на првиот човек на Армијата на сите сесии од заседанието на воениот комитет на НАТО е значајно од аспект што првпат имаме можност на иста маса со сите 29 членки на НАТО да ги проследиме дискусиите за сите крупни прашања на безбедноста во светски рамки, наведуваат во соопштението од Генералштабот.
Минатата година во ноември ВК на НАТО одржа сесија во Скопје како еден вид поддршка и упатена порака за постигнатиот прогрес на Република Северна Македонија кон полноправното членство во НАТО.
Ново на Сител
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј