Гејтс: Тестовите за коронавирус се промашување поради долгото чекање на резултатите
За еден од најбогатите луѓе во светот, филантропот Бил Гејтс, долгото чекање на резултатите од повеќето тестови за коронавирус во САД самото тестирање го прави целосно бесмислено и неуспешно, пренесе телевизијата Си-Ен-Би-Си.
-Повеќето тестови за коронавирусот во САД се целосно бесмислени, затоа што луѓето треба да чекаат долго за резултатите, изјави американскиот милијардер.
„Повеќето резултати се чекаат подолго од 48 часа, а ваквото тестирање е целосно промашено“, смета Гејтс.
Лабораториите низ целата земја доцнат со издавањето на резултатите од тестот за коронавирусот заради зголемувањето на бројот на пациенти. Многу пациенти чекаат од неколку дена до една недела за резултатите, наведуваат двете најголеми компании за лабораториски дијагностицирања во САД.
Просечното време на чекање за резултатите од тестот е над два дена за пациентите со најголем приоритет, соопшти компанијата Quest Diagnostics, додека за сите други надминува седум дена.
Бил Гејтс посочува дека тестовите, за чии резултати се чекаат повеќе од три, а понекогаш и до седум дена, не треба да чинат ни еден долар.
-Тоа е сулудо, рече тој.
Основачот на „Мајкрософт“ потенцира дека е неопходно да се направат приоритети и припадниците на најсиромашните слоеви на општеството, кои и онака се најмногу изложени на ризикот од заразување, треба резултатите да ги добиваат во рок од 24 часа.
Ново на Сител
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција