„Газета експрес“: Тачи денеска ќе му го додели мандатот на Курти за новата влада на Косово
Претседателот на Косово Хашим Тачи денеска ќе му го додели мандатот за формирање на новата влада на Косово на Албин Курти, лидерот на Движењето Самоопределување (ВВ), партија која победи на октомвриските парламентарни избори во земјата, објави порталот „Газета експрес“.
Доделувањето на мандатот од страна на Тачи на челникот на ВВ следи по вчерашната конститутивна седница на новото Собрание на Косово, на која беа верификувани мандатите на новите пратеници, а беше избран и парламентарниот спикер, Глаук Коњуфца од ВВ, како и потпретседателите на законодавниот дом.
Како што јави дописникот на МИА од Приштина, неименувани извори на „Газета експрес“ тврдат дека состанокот на Тачи и Курти ќе се одржи во 11 часот во претседателскиот кабинет.
Согласно косовските закони, откако ќе го добие мандатот, мандатарот има рок од 15 дена да му го предложи на Собранието составот на владиниот кабинет. Доколку тој не успее да го обезбеди потребното парламентарно мнозинство, претседателот, согласно Уставот, треба да го понуди мандатот на лидерот на второрангираната партија на изборите, а доколку и тој не успее да формира влада земјата оди на предвремени избори.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање