Гатузо: Ја преземам целата вина, загрижен сум за тимот
Тренерот на Милан, Џенаро Гатузо, беше исклучително разочаран по лошата игра на „росонерите“ во натпреварот против Бетис од групната фаза од Лигата на Европа. Гигантот од Италија загуби 2:1 од Бетис, а по натпреварот, шпекулациите за отпуштање на Гатузо се зголемија уште повеќе.
Стратегот беше категоричен дека тој ја презема сета вина за слабата игра на „црвено-црните“ и ќе ја прифати одлуката на раководството на клубот.
– Фер е да коментирате за мојата иднина. Тешко е за тренерот да спие по таква изведба. Тоа беше еден од нашите најлоши натпревари. Со овој менталитет, не можеме да размислуваме за добри перформанси во шампионатот. Јас сум сериозно загрижен и засрамен затоа што не можам да прифатам таква презентација. Во моментов не мислам на мојата работа. Ако ми се даде можност, ќе размислам само за тоа како да ги подобрам работите. Јас сум главниот виновник за оваа изведба. Јас придонесов за овие резултати и ќе прифатам што и да се случи, рече популарниот Рино.
Тој додаде дека ќе разговара со своите играчи со цел да дознае каков е проблемот.
– Јас сум загрижен за слабоста на овој тим. Имаме проблеми кога ја поседуваме топката. Ние често се враќаме и не го напаѓаме противникот. Ќе разговарам со момците за да дознаам што е проблемот. Чувствувам дека овој тим има огромен проблем, но првиот виновник сум јас. Ние немаме право да се оправдуваме, заклучи Гатузо.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово