Гасоводната мрежа од Клечовце за Штип, е пристигната до селото Сушево
Градоначалникот Илчо Захариев на денешната прес-конференција информира дека Штип наскоро ќе се приклучи и ќе стане дел од глобалниот проект на Владата на Република Македонија за приклучување на гасоводната мрежа.
Тој истакна дека изградбата на гасоводната мрежа од Клечовце до Штип е пристигната до селото Сушево.
Според градоначалникот Захариев, покрај тоа што стопанството и општествените институции ќе имаат бенефит од изградбата на гасоводот, од овој проект голем интерес ќе имаат домаќинствата, кои ќе користат ефтин енергенс.
- Гасоводот се гради многу брзо, така што нема да ме изненади ако наредната година до нејзиниот крај стигнат и до Битола. Знаете дека ТИР зоната се подготвува за гасоводот, индустриската зона Македонка има комплетна мрежа, а што се однесува за другите институции, ние имаме формирано едно претпријатие, кое моментално функционира на хартија. Владата ќе донесе одлука кој ќе стопанисува со гасоводот, битно е тоа дека ќе имаме голема заштеда и ќе имаме енергија во секое време, рече Захариев.
Тој потенцира дека по изградбата на гасоводот, треба да се гради примарната мрежа низ градот, а потоа и секундарната преку која ќе се поврзат домаќинствата во Штип.
На денешната прес-конференција претседателот на ОК ВМРО ДПМНЕ-Штип, Дејан Ивановски најави дека од Штип гасоводната линија продолжува до Кавадарци, Прилеп и Битола. Тоа, подвлече, практично значи дека е исполнето уште едно ветување на Владата предводена од ВМРО-ДПМНЕ, а со тоа докажува дека Македонија ќе ја стави на светската карта на земји чија економија може да достигне уште поголем поттик, а ќе отвори и нови перспективи за Штип.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари