„Гардијан“: Лондон повлекува дипломати од Брисел поради Брегзит
Британските дипломати ќе се повлечат од институционалните структури на Европската унија во Брисел за неколку дена, како што е планирано од владата на Борис Џонсон, објави „Гардијан“.
Во обид да се засили пораката дека Велика Британија ќе ја напушти ЕУ до 31 октомври, британските дипломати ќе престанат да присуствуваат на дневните состаноци во Брисел, пишува весникот.
Тој потег, според официјалните лица во Лондон, е во согласност со првото обраќање на Борис Џонсон во Долниот дом кога тој рече дека ќе ја ослободи британската дипломатија од европски работи.
Критичарите веруваат дека симболичкото повлекување ќе ја остави Велика Британија без увид во одлуките на ЕУ, што може да наштети на нејзиниот национален интерес.
Министерот за надворешни работи Доминик Раб најави дека ќе присуствува на состанокот на министрите за надворешни работи на ЕУ во Хелсинки кон крајот на август.
Не е познато колку долго ќе трае британското повлекување дипломати од ЕУ до 31 октомври, пишува „Гардијан“, потсетувајќи дека околу 150 постојано се присутни во Брисел, каде лобираат за британските интереси.
Ново на Сител
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел
-
Куќен притвор од 48 часа за две лица поради убиството на лекарот во Железара
-
Во БиХ уапсени три лица кои барале пари за информација за исчезнатото девојче во Србија