„Галеника“ продадена на „Алеиус“ за 16 милиони евра!
Српскиот фармацевтски гигант „Галеника“ следната недела ќе биде продадена на луксембуршката фирма „Алеиус“, зад која стојат две бразилски компании - ЕМС и „Гронин“.
Тендерската комисија за спроведување на процедурата за продажба на капиталот на фармацевтската компанија "Галеника" денес ја прифати финансиска понуда од 16 милиони евра на Аелиус и ќе испрати предлог до Министерството за стопанство да склучи договор.
Оваа компанија беше единствената заинтересирана фирма, која ги исполни сите барања од тендерските условите за продажба.
На 1 септември, Министерството за економија на Србија објави тендер за продажба на 93,7 отсто од капиталот на „Галеника“, за почетната цена од едно евро со обврска на купувачот да уплати 25 милиони евра за покривање на банкарските долгови.
Обидите за приватизација на оваа некогаш моќна фармацевтска фирма пропаднаа на почетокот на оваа година, бидејќи руско-британскиот конзорциум „Фротиер-Петовакс“, кој беше потенцијален стратешки партнер, не успеа да постигне договор за превземање на долговите што „Галеника“ ги има кон комерцијалните банки.
Како што тврди весникот „Данас“, зад „Алеиус“ стои конзорциум од две бразилски компании - големата фармацевтска компанија ЕМС, која поседува само 25 отсто во луксембуршката фирма и сосема непозната „Гронин“ - со 75 отсто од акциите, зад која се шпекулира дека се крие еден српски контроверзен бизнисмен, со живеалиште надвор од границите на Србија.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија