Фудбал
25. јуни 2016 - 18:11

Галатасарај останува без европски настапи

 
 
 Турскиот фудбалски гигант Галатасарај и официјално претстојната натпреварувачка сезона нема да настапува на европската сцена. 
 
Судот за спортска арбитража во Лозана ја одби жалбата на Галатасарај, по изречената суспензија од УЕФА за настап во евро-куповите, а поради прекршување на финансискиот фер-плеј и направен долг од 165 милиони евра. 
 
Галатасарј изминатата сезона го освои турскиот Куп, со што обезбеди место во Лига Европа, но претходно УЕФА изрече суспензија, наложувајќи им на раководните луѓе да водат сметка околу платите на сите вработени во клубот.
 
Во соопштението на Судот за спортска арбитража меѓу другото се потврдува дека, УЕФА  постапила според сите закони и прописи. 
 
Галатасарај е трет тим од Турција, кој заработува суспензија, откако претходно со иста мерка се соочија Бурсаспор и Бешикташ.