Габриел: Германија ја менува политиката кон Турција
Германскиот министер за надворешни работи, Зигмар Габриел денеска најави низа чекори од страна на Берлин, како одговор кон Турција за притворањето германски активисти за човекови права, и ги повика Германците кои патуваат во таа земја на поголемо внимание.
- Потребно е нашата политика кон Турција да оди во нов правец... Мораме да бидеме појасни отколку досега, за одговорните лица во Анкара да разберат дека таквата политика не е без последици. Овие чекори се договорени со канцеларката Ангела Меркел, истакна Габриел.
Натаму, тој додаде дека Германија повеќе нема да разговара со партнерите од ЕУ за европските аспирации на Турција, како и дека Берлин веќе не може да биде гарант за германските корпоративни инвестиции во Турција.
Германското Министерство за надворешни работи пак, издаде соопштение до германските граѓани, во кое се вели: „Луѓето кои патуваат во Турција поради приватни или деловни причини, се замолуваат да бидат повнимателни и да се јават кај Германската амбасада дури и за кратки посети".
Турските власти претходно неделава уапсија неколкумина активисти за човекови права, меѓу кои беше и германскиот државјанин Петер Штојднер.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп