Свет
8. November 2017 - 10:27

Габриел: Да се продолжи мисијата на германските војници во Ирак

 

Германскиот министер за надворешни работи Зигмар Габриел вчера побара од Парламентот да ја продолжи воената мисија за обука на Пешмергите во северниот дел на Ирак.

Тој нагласи дека повлекувањето на германските војници би претставувало ризик за избувнување на нова граѓанска војна во Ирак. 

- Повлекувањето би било погрешен сигнал за вмешаните страни во судирот, како да се помириме со прифаќањето на опасноста од нова граѓанска војна, истакна Зигман. 

Германскиот шеф на дипломатијата изрази надеж дека ќе биде зачувано „кревкото примирје“ и оти ќе се постигне политичко решение. 

- Нова граѓанска војна во Ирак би донело невидено страдање во земјата, која веќе многу претрепе поради политичките несогласувања, посочи Габриел.