Фудбал
26. October 2016 - 16:55

Фудбал У-17: Македонија загуби од Србија во квалификациите за ЕП

 
 Македонската фудбалска репрезентација составена од играчи до 17 години, денес загуби од соодветната селекција на Србија со 3:0, во квалификациски натпревар за пласман на Европското првенство кое ќе се одржи во Хрватска 2017 година.
 
На натпреварот одигран во близина на италијанскиот град Равена, стрелци на головите за српската репрезентација беа Жељко Гавриќ во 19. Минута и Филип Ступаревиќ во 55. и 69.минута.
 
Погодокот за Македонија беше дело на Ениз Фазлагиќ од пенал на десетина минути пред крајот на мечот.
 
На 28 октомври Македонија ќе игра против домаќинот на турнирот Италија, додека на 31 октомври „црвено-жолтите“ квалификациите ќе ги завршат со средбата со Албанија.