Франс Тимерманс доаѓа во Бугарија на конференција за зелената енергија
Потпретседателот на Европската комисија задолжен за Европскиот зелен пакт, Франс Тимерманс, пристигнува во Бугарија.
Како што јави дописникот на МИА од Софија, Тимерманс ќе учествува на конференцијата „Зелена транзиција – решенија и предизвици за Бугарија“, која заедно со бугарскиот еврокомесар за иновации, истражувања, култура, образование и млади Марија Габриел и претставници на бугарските власти , бизнисот, синдикатите, невладините организации и медиумите ќе разговараат за можностите и предизвиците што зелената транзиција ги носи за економијата и граѓаните на Бугарија.
Како дел од настанот, Тимерманс ќе одржи билатерална средба со бугарскиот привремен премиер Стефан Јанев.
Дописникот на МИА од Софија потсетува дека според Тимерманс позеленувањето на европската економија ќе донесе огромни можности за Бугарија, додавајќи дека земјата може да стане центарот на зелената енергија на Балканот. Според него, Бугарија може да им помогне на другите земји во регионот кои не се членки на ЕУ.
Тимерманс во март 2021 година коментираше дека е одобрен проект за изградба на 400 мегаватни соларни панели кај градот Хасково, во близина на бугарско-турската граница, додавајќи дека тоа ќе биде најголемата таква централа во Европа, што ќе обезбеди многу работни места.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено