Французин тргна на пловидба преку Атлантикот во буре
Авантуристот Жан-Жак Савин (71) од Франција има намера да го преплива Атлантскиот Океан во портокалова дрвена капсула во облик на буре, користејќи ја само моќта на морските струи.
Почетната точка е Ел Хиеро на Канарските Острови, а Савин се надева дека ќе стигне до Карибите за три месеци. Во „капсулата“ има кревет за спиење, кујна и мал магацин. Сѐ она што е поврзано со патувањето ќе се објавува на неговата Фејсбук страница, а најновата порака е дека бурето „се однесува добро”.
Савин ќе поставува и маркери на својата рута за да им помогне на океанографите при проучувањето на атлантските струи.
Пловилото е долго три метри, широко 2,1 метар и има шест квадратни метри простор за престој, како и за прослава на новогодишната ноќ и на неговиот 72. роденден на 14 јануари.
Савин е поранешен воен падобранец, а работел и како пилот. Неговиот буџет од 60.000 евра беше собран од доброволни прилози.
Ново на Сител
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер