Франција забрани синдикални протести
Француските власти ги забранија утрешните синдикални протести во Париз против законот за работни односи, поради „опасност од насилство“.
Тоа е прва забрана на синдикални манифестации во Франција по повеќе децении.
Одлуката е донесена откако седум синдикати, организатори на протестите, одбија да прифатат утрешниот собир да биде статичен за полицијата полесно да може да ги контролира.
Лидерите на синдикатите Фо и на ЦГТ, Жан-Клод Маји и Филип Мартинез побараа итен состанок со министерот за внатрешни работи Бернар Казнев.
Синдикатите протестираат повеќе од три месеци против најавените владини реформи на Законот за работни односи, во кои покрај другото е предвидено полесно отпуштање иако стапката на невработеност во Франција е висока.
Во десетината протести од февруари, имаше неколку судири меѓу демонстрантите и полицијата, а десетици лица беа повредени и уапсени.
Ново на Сител
-
Куќен притвор од 48 часа за две лица поради убиството на лекарот во Железара
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор