Франција на аеродромите ќе тестира патници од ризични области
Франција планира во наредните денови да почне целно тестирање за новиот коронавирус на луѓе кои доаѓаат од области со висок ризик, соопшти портпаролот на француската Влада Габриел Атал.
Луѓето кои ќе можат да докажат дека неодамна биле тестирани на вирусот, ќе можат да избегнат повторување на тестот во Франција, рече Атал.
Министерот за здравство Оливие Веран претходно изјавуваше дека тестирањето ќе биде доброволно.
– За земјите каде што вирусот не циркулира повеќе отколку во Франција, нема причина да се преземат дополнителни мерки, рече Атал, истакнувајќи дека мерката веројатно нема да се применува и за соседна Германија.
Откако беше тешко погодена од пандемијата на Ковид-19 во која починаа повеќе од 30.000 луѓе, Франција почна да ги отвора своите туристички атракции како што се музејот Лувр и Ајфеловата кула во Париз.
Водечките експерти во Франција овој викенд ги повторија повиците да се носат маски на затворени јавни места за да се спречи ново ширење на заразата.
Маските се задолжителни во јавниот превоз во Франција, а многу продавници, туристички атракции и други затворени јавни места исто така бараат од луѓето да носат маски.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж