Франција брои 833 смртни случаи од корона вирус во еден ден
Вкупиот број на смртни случаи кај пациенти позитивни на коронавирусот во Франција изнесува 8.911, а бројот на заразени 98.100, според последните вчерашни статистики.
„Уште не сме стигнале до пикот на епидемијата“, предупреди министерот за здравство Оливие Веран.
Според вчерашните статистички податоци од француското Министерство за здравство, во болниците починале 605 пациенти во 24 часа, а уште 228 биле регистрирани во старечките домови. И двете бројки бележат зголемување од 10% во споредба со претходниот ден.
„Не само што не е завршено, туку е далеку од крај. Бројките го покажуваат тоа. Останете дома и придонесете за напорите за зауздување на заразата“, апелираше Веран.
Има и добра вест од Франција - сосема благо е покачен бројот на пациенти со COVID-19 на интензивна нега, за 1,3% и изнесува 7.072.
Веран исто така рече дека Владата ќе почне „обемна операција“ за скрининг во старечките домови од каде доаѓаат 27% од смртните случаи.
Вчера и Италија имаше висока бројка на почнати пациенти со COVID-19, но исто така имаше и најмал број на новозаразени. Добрата вест е што Шпанија регистрираше намалување на бројот на смртни случаи четврти ден по ред.
Германската канцеларка Ангела Меркел, пак, изјави дека пандемијата е најголемиот предизвик со кој досега се соочила Европската Унија и дека нејзината влада е подготвена да придонесе кон економската помош за целиот блок.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО