Фудбал
5. July 2020 - 9:44

Флик: Она што го постигнавме во последните неколку недели е сензационално

Тренерот на Баерн Минхен, Ханс-Дитер Флик, беше горд на своите фудбалери, откако го освои германскиот куп против Баер Леверкузен со 4:2.

Баварците ги совладаа „аспирините“ во финалето и направија дубл во земјата, откако ја освоија титулата пред неколку недели.

Ова беше 20-ти германски Куп за Баерн Минхен и тие и понатаму се рекордер за освоени трофеи во земјата.

– Горди сме што го напуштивме теренот како победници. Се радувам што го направивме тоа. Она што тимот го постигна во последните неколку недели е сензационално. Ставот на играчите е едноставно фантастичен. Многу сум среќен. Начинот на кој се претставува тимот е исклучителен. Има само радост по овој натпревар, рече Флик.