Филмот „Господ постои, нејзиното име е Петрунија“ поддржан од МЕДИА
Новиот филм на Теона Стругар Митевска „Господ постои, нејзиното име е Петрунија“ ја доби поддршката од потпрограмата МЕДИА на Креативна Европа, на последниот повик за поддршка на развој на филмски проекти, во висина од 30.000 евра.
- Во конкуренција од 294 пријави од цела Европа, на овој конкурс се поддржани 57 проекти, меѓу кои и најновиот филм на Теона Митевска, информира македонскиот МЕДИА Деск.
Филмот „Господ постои, нејзиното име е Петрунија“ е во подготовка и ќе се реализира во продукција на „Сестри и брат Митевски“, во копродукција со партнери од Белгија и Словенија, а се очекува во реализацијата на проектот да се приклучи уште една западноевропска земја.
Во образложението за проектот, комисијата го оценува сценариото со највисоки оценки и го истакнува и креативниот тим, кој, како што се наведува, несомнено може да ја изнесе на површина креативната визија на режисерот.
„Господ постои, нејзиното име е Петрунија“ е поддржан од Агенцијата за филм на Република Македонија со 30.000.000 денари и беше презентиран на три маркети, од кои на Синелинк во Сараево ја освои највисоката награда за развој на проекти која ја дава европскиот фонд Еуримаж, во висина од 20.000 евра.
Програмата МЕДИА стана достапна за македонските филмски професионалци од јули 2015, а од април 2016 година во рамки на Агенцијата за филм почна да функционира и канцеларијата на МЕДИА. Од приклучувањето на Македонија во потпрограмата МЕДИА на Креативна Европа, со поддршка се здобија поголем број проекти.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.