Филипините ќе ги продаваат заплените дијаманти на семејството Маркос
Филипинското министерство за финансии денеска соопшти дека на аукција во Манила ќе ги продава двете колекции скапоцени камења на семејството на поранешниот диктатор Маркос, кои биле запленети по нивното бегството од државата во 1986 година. Почетната вредност на двете колекции дијаманти и бисери е околу осум милиони долари.
Едната колекција скапоцености, само од дијаманти е запленета во САД. Ги чувал Американец со грчко потекло, кој бил близок со семејството Маркос. Втората, наречена „Хавајска колекција’’ е конфискувана со обемна полициска акција на Хаваите, во хациендата во која семејството на филипинскиот диктатор живееше во егзил.
Во некои филипински медиуми денеска се појавија шпекулации дека тоа што ќе го продава државата не е ни десетти дел од скапоценостите и уметничките дела кои семејството Маркос ги изнесувало од државата, насетувајќи дека поради народен револт ќе биде принуден да избега од државата. Во март 1986 година, по триневно собирање на над 1,5 микон граѓани на улиците на Манила, Фердинанд Маркос со хеликоптер ја напушти претседателската палата и со воен авион слета на Хаваите.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж