Филипче: Законот за лекови неделава во собраниска процедура
Во текот на оваа недела по завршните консултации со правниците, Законот за лекови и медицински средства ќе биде вратен во собраниска процедура на прво читање.
Ова денеска го истака министерот за здравство Венко Филипче, кој рече дека ќе има јавна расправа за да ги образложат деталите за промените кои ги направиле.
Одговарајќи на новинарско прашање по регионалната консултативна средба за обезбедување одржливотст на сервисите за ХИВ и туберкулоза, Филипче рече дека до крајот на оваа недела или на почетокот на следната недела планираат состанок во Владата, заедно со премиерот за да ја донесат дефинитивната одлука за изградба на нов Клинички центар.
- Имаме закажано состанок со архитектите. Во документацијата која ја проверив наидов на анализа од Архитектонскиот факултет врз основа на која е направен овој проект, посочи Филипче.
Во врска со случајот со родилката од Кичево која почина за време на породување во приватна болница, истакна дека во текот на минатата недела пристигнале извештаите и од Комисијата која ја формирале во Министерството за здравство да го испита случајот и околностите во кои тој се случил, како и извештајот од Институтот за судска медицина од обдукцискиот наод на пациентката.
- Направив дополнителни консултации и со тимот од Институтот за судска медицина и со членовите на Комисијата која ја формиравме во Министерството. Во текот на денешниот ден ќе излеземе со официјално соопштение и став од Министерството, а во однос на обдукцискиот наод не би коментирал ништо понатаму заради тоа што тој е предаден во Основното јавно обвинителство и е предмет на истрага, додаде Филипче.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари