Македонија
16. April 2021 - 13:03

Филипче: Во понеделник пристигнуваат вакцините од Фајзер

Министерот за здравство, Венко Филипче денес изјави дека пристисокот врз болниците е намален и дека има слободни кревети.

Според министерот Филипче досега со АстраЗенека се вакцинирани 13.000 лица, а вкупниот број на имунизирани лица до вчерашниот ден изнесува околу 35.000 граѓани.

„Во понеделник пристигнуваат вакцините Фајзер со авионски превоз до аеродромот во Софија, а потоа во попладневните часови со ладен ланец ќе дојдат во нашата земја“, вели министерот Филипче.