Филипче: Се прави стратегија за да се спречи одливот на млади лекари во странство
Министерот за здравство д-р Венко Филипче по денешната работна посета на Крива Паланка истакна дека изготвуваат стратегија за да се спречи одливот на млади стручни кадри од медицинската сфера во странство.
- Чекаме планот за вработувања да ни го достават сите здравствени институции, по што со јасна слика за потребите ќе преземаме мерки - додаде Филипче одговарајќи на новинарско прашање.
На прашањето кои се приоритетите за кои ќе се залага со оглед на немањето породилно одделение во повеќе помали градови, тој потенцира дека во Министерството се изготвува една посериозна анализа за тоа каков тип здравствени услуги се даваат низ државата, но и со каков квалитет се тие и каква е фреквенцијата на услуги.
- Врз основа на тоа спремни сме да изготвиме една мапа за здравствени институции и интервенции кои ги извршуваат со цел да ги сконцентрираме на регионално ниво и тоа да донесе подобар квалитет. Тоа значи дека ако не можеме да ги снабдиме со соодветен кадар, некој здравствен дом или установа, тогаш точно ќе знаеме каде да бидат упатени - додаде Филипче.
Ново на Сител
-
Вработените во културните институции преку протести си ја бараат изработената плата и покачувањето кое им следува
-
Протест на вработените во „Водовод“ - си ја бараат мартовската плата
-
Ракетен напад во Иран
-
Преглед на вестите од светот
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците