Филипче: Почна постапката за набавка на сензори за дијабетес, во првата фаза за деца до 18 години
Кога ја прочитав вчерашна сторија за 16 – годишната Миа која има дијабетес веднаш ја исконтактирав и ја поканив да се сретнеме. Миа и нејзината мајка Јасмина денеска на мое големо задоволство ми беа гости на работа. Лично сакав да и соопштам дека денеска започна постапката за набавка на сензори за дијабет кои за прв пат во нашата земја ќе им бидат достапни бесплатно на пациентите. Во првата фаза набавуваме сензори за сите деца до 18 години, група во која спаѓа и мојата денешна гостинка, објави на својот фејсбук профил министерот за здравство Венко Филипче.
Со следната набавка, посочува министерот, ја зголемуваме и годишната граница, наша цел е да обезедиме бесплатни сензори за сите пациенти со дијабетес и со тоа значително да им го зголемиме квалитетот на животот.
-Ова е последниот сегмент за целосна промена на сликата за третманот на пациентите со дијабет во нашата земја. Ги имаме најсовремените оригинални инсулини, со кои обезбедуваме третман на дијабетот по примерот на земјите во Европа, напиша Филипче.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница