Филипче: Освен што нема термини за магнетна резонанца, многу мал процент од закажаните се реализираат
Покрај тоа што нема термини за закажување пред се за снимање на магнетна резонанца во некои од јавните здравствени установи, анализата покажа дека многу мал процент од закажаните термини се реализираат, што не доведува до заклучок дека пациентите и покрај тоа што редовно имаат закажан термин наоѓаат начин со приоритетен упат да се снимат порано од закажаниот термин, изјави денеска министерот за здравство Венко Филипче.
Посочи дека има контролна работна група во смисла на контрола на овие податоци на терен во сите институции каде има компјутерска томографија и магнентна резонанца, за да утврдат дали тоа се пациенти кои претходно имале закажан термин и заради тоа што нашле начин тоа да го реализираат со приоритетен упат тој пропаѓа, а тоа да биде еден од начините да го изнајдат решението.
– Во Битола на пример се зголеми бројот на термините, бидејќи се додаде уште една смена, па сега се работи и до подоцна во ноќта. Меѓутоа, сигурно дека станува збор и за недостиг на апарати. Заради тоа планираме набавка на медицински апарати за 2019 година токму врз основа на анализа на овие податоци. Апарати за компјутерска томографија и магнетна резонанца треба да добијат и некои центри кои ги немаат пред се Медицинскиот центар во Кавадарци и уште еден апарат за компјутерска томографија во одделот за онкологија во новонаправениот депанданс, каде е сместен и и акцелераторот во Клиничката болница во Битола со што овој центар ќе го преземе дел од товарот, што го има Клиниката за онкологија во Скопје, рече Филипче, одговарајќи на новинарско прашање по прес-конференцијата на Клиниката за уво, нос и грло.
Освен за дијагностика, нагласи, компјутерската томографија ќе служи и за симулација за спроведување на зрачна терапија.
Додаде дека на Клиниката за радиологија има конкурс за нови вработувања, а тоа се планира и во Клиниката по хирушки болести „Св. Наум Охридски“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка