Македонија
27. July 2021 - 11:11

Филипче: Од 330.000 лица кои примиле втора доза вакцина, 92 заболеле од Ковид-19

Министерот за здравство, Венко Филипче, вели дека процентот на граѓани кои се заразиле со коронавирус и покрај примени две дози на вакцина е многу мал. Од околу 330 000 ревакцинирани граѓани, 92 заболеле од Kовид-19.

Тоа значи дека процентот на заболени лица кои се ревакцинирани е навистина многу мал, некаде околу 0,02 проценти што е уште еден доказ за тоа колку е корисна вакцината и апелирам повторно сите граѓани да се свесни дека тоа е единствниот начин да се смени сликата зa пандемијата“, кажа Филипче.
 
Најмалку со една доза се вакцинирани 500 000 лица и се очекува до крајот на август сите тие да примат и втора доза. Филипче вели дека добро се менаџира целокупниот процес на вакцинација во здравствените домови.