Филипче и Шилегов ќе разговараат за цената на паркингот на Клинички

Со налепници привилегирани, здравствените работници од скопските клиники втор ден протестираа против двојното зголемување на цената за паркирање. Очекуваат министерот Филипче на средбата најавена за попладне, да го убеди Шилегов и да ја повлече одлуката што предизвика револт кај медицинскиот персонал.  

- Веруваме во нашиот министер бидејќи до неодамна и тој беше привилегиран како нас. Ние ќе бидеме задоволни и ако градските власти сенат да разговараат и да бараме решение, вели Горан Беговиќ, претседател на Синдикат на Клинички

-Треба прво да седнат и да побараат решение а ако не можат тие, нека ни дадат на нас ние ќе најдеме, вели Јулија Јовановска, медицинска сестра на Детска клиника.

-Ова е авто пазар, погледнете, еден овде и еден онде и толку, останатото како на автопазар, вели Митко болничар на Токсикологија.

Од Синдикатот остануваа на барањето не само повлекување на одлуката од град Скопје туку и паркингот да се врати во владение на Клинички.

Ахиловата пета во здравството е Клиничкиот Центар. Градоначалникот Шилегов треба да свати дкеа сите патишта водат во клинички, вели Ивица Апостолов, медицински лаборант.

Доколку нема решение, здравствените работници најавија дека продолжуваа тсо протестите и блокади на наплатните пунктови. Инаку Град Скопје донесе ваква одлука за изедначување на цените за паркирање како и за останатите граѓани.