ФФРМ бара средба со Николовски за проблемите во јаболкопроизводството
Федерацијата на фармери на Република Македонија (ФФРМ) бара средба со министерот Љупчо Николовски на која би се разговарало за долгорочни и краткорочни мерки за проблемите и предизвиците во јаболкопроизводството.
Јаболкопроизводителите се соочуваат со проблеми по пролетниот мраз на 22 април кој уништи голема површина од овогодинешниот род јаболка.
ФФРМ бара минимална загарантирана откупна цена односно пет ден по килограм за индустриско јаболко на долгорочен период, а за да може да се продискутираат овие актуелни состојби и проблеми Федерацијата иницира средба помеѓу здруженија на земјоделци каде што членуваат јаболкопроизводители и откупувачите на јаболко која би се одржала овој месец.
Исто така ФФРМ бара утврдување на рокот за исплата на штетите од пролетниот мраз за 2016 и 2017 година за овоштарите и лозарите и целосна исплата на субвенциите за 2016 година за овоштарите во најбрз можен рок и тоа по сите основи.
Според статистичките податоци во Република Македонија од 2013 година, 5.477 хектари обработлива површина се користи за производство на јаболка во Пелагонискиот регион, од кои 5.384 хектари се индивидуален сектор, 93 хектари се деловни субјекти.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април