Фестивалот АКТО со иницијатива за ревитализација на Офицерскиот дом во Битола
Во фокусот на 12. издание на фестивалот за современи уметности АКТО кој утре и в сабота ќе се одржува во Битола е иницијативата за ревитализирање на еден од најзначајните културни споменици во градот – Офицерскиот дом.
На денешната прес-конференција во Битола, организаторите, исто така најавија дека в сабота ќе организираат јавната дебата, под мотото „Каков Офицерски дом ни треба?“, која ќе се одржи во дворот на Офицерскиот дом, а на која покрај министерот за култура Роберт Алаѓозовски, ќе присуствуваат и пратеници, претставници од локалната самоуправа, експерти за културно наследство, како и повеќе организации и индивидуалци од Битола кои низ годините се залагале за одбрана и враќање на Офицерскиот дом во функција на јавно добро.
- Овој културен белег на градот со вековна традиција, долго време е оставен на немилоста на времето, затворен за граѓаните и без соодветен третман од надлежните институции. Токму затоа, акцентот на активностите на фестивалот АКТО ќе биде ставен врз реактуелизирање на темата за потребата од заживување на Офицерскиот дом во Битола и негово враќање во функција на културата и граѓаните, посочија организаторите на АКТО.
Покрај дебатата за Офицерскиот дом, фестивалот за современи уметности АКТО ќе понуди разновидна програма која вклучува многу изложби, работилници за музичари, програма за деца, перформанси, концерти и DJ настапи, кои ќе се одржат на неколку локации во Битола и тоа во дворот на Офицерскиот дом, во мезе – бар „Јагода“, Магаза, Задруга Артикултура и кафе бар „Радост.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање