Фекална и атмосферска канализација на улицата „Товарник“ во Ченто
На улицата „Товарник“ во населбата Ченто се работи на изградба на колектор за фекална канализација и на поставување колектор за атмосферска канализација.
Градоначалникот Тони Трајковски, кој денеска беше во Ченто, истакна дека со години голем број од куќите биле приклучени на канализацијата на несоодветен начин.
- Со реализацијата на проектот овие проблеми ќе бидат решени, а опфатени се околу 200 куќи. Во првата фаза од проектот изградени се 240 метри атмосферска и фекална канализација со вредност од околу 1,7 милиони денари. Во втората фаза ќе се изведат 438 метри фекална и атмосферска канализација во вредност од 4,2 милиони денари или околу 6 милиони денари, рече Трајковски.
Тој информира дека летниот период ќе се искористи за изградба на фекални и атмосферски канализации во повеќе населени места.
- Во моментов се работи на изградба на атмосферска канализација во Триангла и на фекалната канализација во Трубарево. Деновиве ќе се распише оглас за фекалната канализација во Јурумлери, а за краток период ќе се подготви тендерската документација за фекалната канализација во Смилковци, нагласи Трајковски.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница