Фатени на граница: Со маски шверцувале над 300 килограми марихуана

Грчката полиција уапсила дваесет и едногодишен Албанец и запленила 312 килограми марихуана на грко албанската граница во планинскот предел кај градот Лерин.

Според полицијата, на која се повикуваат албанските медиуми три лица со четири натоварени маски биле забележани како илегално ја минуваат границата.

На наредбата да застанат, двајца од нарко шверцерите успеале да избегаат назад на албанска територија. Едниот од нив е уапсен и е запленета целата количина дрога.

Во 16-те торби кои биле натоварени на четирите маски имало 137 пакети со вкупна тежина од 312 килограми и 645 грама марихуана.

Акцијата била реализирана во многу лоши временски услови, со обилен дожд и магла.