Фанови на Саутемптон се потсмеваа на смртта на Сала
Трагичната смрт на аргентинскиот напаѓач Емилијано Сала го трогна целиот фудбалски свет, но имаше и луѓе кои се потсмеваа на она што му се случи на 28-годишниот стрелец. За време на натпреварот помеѓу Саутемптон и Кардиф Сити вчера двајца приврзаници на „светците“ имитираа гестови на авион кој се урна. Видеото брзо се прошири низ Интернет просторот, а полицијата не задоцни и ги приведе двајцата мажи.
– Таквото однесување нема место на нашиот стадион и нема да се толерира, пишува во официјалната изјава на Саутемптон.
Клубот потврди дека фановите за кои станува збор биле идентификувани и уапсени. Тие, најверојатно, ќе бидат лишени од можноста да влегуваат на „Сент Мери“.
– Сакавме да победиме за Емилијано и јас сум горд што момците тоа го направија, рече менаџерот на тимот Нил Варнок по успехот.
Како што е познато, авионот со Аргентинецот, кој премина од Нант во Кардиф, исчезна во реонот на Ламанш, а пред неколку дена остатоците од авионот беа пронајдени и телото на Сала беше идентификувано
видеото можете да го видите ОВДЕ
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари