„Фајненшл Тајмс“: Лондон сака „одбранбен пакт“ со Германија
Владата на Велика Британија настојува да ја увери Германија за потребата од создавање „одбранбен пакт“ меѓу двете земји, со цел да се потикне солидарноста во пост-Брегзит периодот, кога Британците ќе бидат надвор од ЕУ, пишува денешен „Фајненшл Тајмс“.
Засега нема повеќе детали околу тоа како е замислен овој проект на Владата во Лондон со најголемата и најмоќната членка на Унијата, но весникот тврди дека станува збор за обид на Велика Британија да ја увери, пред се сопствената политичка јавност, а потоа и европската, дека по напуштањето на ЕУ, Обединетото Кралство нема да и сврти грб на Европа.
Потврда на тоа би требало да биде „одбранбеното партнерство“ со Германија кое треба да се изгради во периодот по Брегзит.
Понудата до германската Влада е новина затоа што солидарно и одбранбено партнерство Велик Британија има сега, а ќе има и понатаму преку членството во НАТО и тоа не само со Германија, туку и со сите други членки на Алијансата.
По излегувањето од ЕУ, за Британците единствени политички врски со континентот ќе бидат само преку Алијансата, па затоа Лондон сега инсистира на одржувањето на НАТО и на неговото единство, спротивставувајќи се на идеите да се се создадат и европски одбранбени сили за брза интервенција.
Безбедносни експерти веруваат дека британската Влада стравува оти со заедничките сили на ЕУ, Велика Британија како земја надвор од Унијата би била истисната од Европа и би останала без поголемо политичко и воено влијание на континентот.
Министерството за одбарана во Лондон не го демантира пишувањето на „Фајненшл Тајмс“, освен што нагласи дека во основа станува збор за „заедничко соопштение“ за идната одбранбена соработка меѓу Велика Британија и Германија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово