Фајнанс Мен – кампања за подигнување на свеста за финансиска писменост кај младите
Која е улогата на Централната банка, од каде доаѓаат парите, што се подразбира под термините инфлација, јавни набавки и буџет се само дел од прашањата што беа опфатени преку информативната и образовната кампања за финансиска писменост кај младите во нашата земја, соопшти Асоцијацијата за едукација Младиинфо Интернационал.
Асоцијацијата Младиинфо Интернационал во партнерство со Balkan Monitoring Public Finances и Analytica, преку стрипови, на еден визуелен и иновативен начин, се обиде да допре до младите и да ги информира за некои поважни термини од финансиската област и како функционира системот на финансии во една држава.
Со потенцирање на пет значајни и горливи проблеми во врска со финансиската писменост во државава и преку иновативен начин за истакнување на фактичката состојба и истовремено потсетување на стандардите, вредностите и важноста на финансиите во секојдневниот живот Младиинфо Интернационал созаде супер херој кој ќе го привлече вниманието кај младите и сите засегнати страни.
Стриповите, како што соопштуваат од Асоцијацијата, се поделени во пет епизоди во кои главна улога ја има суперхеројот Фајнанс мен, кој им помага на младите подобро да разберат некои термини и делови од јавните финансии, да ги едуцираат за финансиски теми и да станат посвесни за нивната финансиска независност, исто така и да разберат како функционираат државните финансиски институции.
– Преку оваа кампања успеавме да посочиме што е финансиската писменост и да дефинираме основни термини во сферата на јавните финансии и да објасниме основни поими за тоа што е финансиската писменост и кои се последиците од недостаток на знаење во оваа област, стои во соопштението.
Проектот е поддржан од Европската Унија, во партнерство со Асоцијацијата за едукација Младиинфо Интернационал, Balkan Monitoring Public Finances и Analytica.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка