Фудбал
18. February 2017 - 18:31

ФА куп: Елиминиран првакот Лестер во осминафиналето

Слабите резултати на шампионот на Англија Лестер продолжуваат, па така оваа екипа попладнево е елиминирана во осминафиналето на ФА купот. Лестер загуби на гостувањето кај Милвол со 1:0, а стрелец на единствениот гол беше Шон Камингс во 90.минута. Милвол од 52.минута играше со 10 играчи по исклучувањето на Џејк Купер.
Изненадување направи и Линкол со елиминацијата на премиерлигашот Барнли. Линколн сити победи на гости со 1:0. Лошиот ден на премиерлигашите го надополни и Манчестер Сити, кој како гости одигра нерешено со Хадерсфелд 0:0 и за десетина дена ќе мора да игра повторен дуел.
Единствено премиерлигашот Мидлсброу оствари победа над Оксфорд со 3:2. 
Вечерва од 18:30 часот играа Вулверхемптон и Челзи.
Утре се играат два дуела: Фулам – Тотенхем и Блекбурн - Манчестер Јунајтед. Последниот осминафинален дуел на програмата е во понеделник меѓу Сатон и Арсенал.