Ф1
3. September 2022 - 20:05

Ф-1: Може ли Ферари да го порази Ферстапен во неговата Холандија

Светскиот првак Макс Ферстапен по големо надмудрување со Шарл Леклер стигна до нова пол позиција и ќе стартува прв на холандското гран при од шампионатот во  Ф-1 . 
Дека љубителите на овој спорт можат утре да очекуваат добра и неизвесна трка потврди и Карлос Сајнц кој го освои третото место.
Ферстапен ќе стартува пред  двоецот на Ферари четврти ќе биде Хамилтон, додека  Перез по многуте проблеми ја обезбеди петтата  позиција. Меѓу првите десет се уште Расел, Норис, Шумахер, Цунода и Строл.
Фановите приредија вистинско уживање на трибините и утре Макс Ферстапен може да очекува голема поддршка пред својата публика во Занворт.