Европскиот парламент ја усвои резолуцијата, пратениците бараат старт на преговори со Македонија и Албанија
412 европратеници ја поддржаа резолуција за отпочнување пристапни преговори со Македонија и Албанија. Во кусата дебата по гласањето европратениците испратија остри критики кон однесувањето на францускиот претседател Макрон и побараа од европските лидери да ја исправат оваа стратешка грешка на нивната следна средба.
Ваквиот став европратениците му ги преносоа и на спикерот Џафери кој изминаите два дена оствари повеќе средби.
Европската народна партија која е всушност и најбројна во европскиот парламент, директно го осуди однесувањето на Макрон, кое оцени дека го нарушува кредибилитетот на Европската унија.
Со усвоената резолуција европратениците потенцираат дека одложувањето на преговорите со Скопје и Тирана може да ги дестабилизира двете земји, но и целиот регион. Во исто време се поздравува и ставот на Македонија за продолжување на реформската агенда и договорите постигнати до Бугарија и Грција.
-
Деспина Тодоровска
Сите содржини од овој новинар