Европската перспектива на Западен Балкан една од темите на средбата Мицотакис
Премиерот на Грција, Кирјакос Мицотакис и претседателот на Бугарија, Румен Радев на средбата во Атина, ја изразиле нивната поддршка за европската перспектива на Западен Балкан под предуслов да има строго придржување до условеноста, брифираат грчки владини извори, јави дописничката на МИА од Атина.
На средбата во премиерската палата во Атина станало збор за прашањата што се однесуваат на соседството и на предизвиците што постојат, а акцентот бил ставен на мигрантското прашање и процесот на проширување на ЕУ.
Во однос на мигрантското прашање изразиле поддршка за Договорот ЕУ- Турција и изразиле загриженост за случувањата на Блискиот Исток.
Бугарскиот претседател, според истите извори, споменал дека Грција и Бугарија се стратешки партнери и ја истакнал билатералната соработка во повеќе области како што е енергетиката и прашањата поврзани со безбедноста, а грчкиот премиер се осврнал на блиските врски на пријателство и соработка меѓу двата народа.
Претседателот на Бугарија, Румен Радев допатува во Грција на состанокот на претседателите на земјите од групата „Араиолос“ што ќе се одржи денеска во Атина.
Ново на Сител
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа