Европската перспектива на Западен Балкан една од темите на средбата Дендиас
Европската Унија значи да се говори и за перспективите за проширување со Западен Балкан, бидејќи е географски регион од голем и близок интерес за Италија и за Грција и во однос на ова ќе ги координираме нашите позиции, изјави шефот на италијанската дипломатија, Енцо Моаверо Миланези по средбата со неговиот грчки колега, Никос Дендиас, јави дописничката на МИА од Атина.
На средбата во Министерството за надворешни работи на Грција, Дендиас и Моаверо Миланези разговарале меѓу другото и за регионот, односно како што рече шефот на грчката дипломатија, „за ситуацијата на Западен Балкан и европската перспектива на земјите од регионот“.
Двајцата министри разговараа и за Источниот Медитеран, за енергетските теми како што се изградбата на гасоводите ТАП и „ИстМед“, како и за миграцискиот проблем.
Дендиас и Моаверо Миланези посочија дека ќе ги интензивираат контактите и средбите.
Последната посета на Грција на шеф на италијанската дипломатија беше пред речиси три години, а Моаверо Миланези е првиот министер за надворешни работи на земја членка на ЕУ што доаѓа во Атина по изборите минатиот месец. Тој за време на дводневната посета на Атина ќе оствари средба и со претседателот на Грција, Прокопис Павлопулос.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка