Ево Моралес има осумгодишен син од вонбрачна врска
Боливискиот претседател Ево Моралес има син од неговата поранешна вонбрачна врска со една млада Боливијка, за кого досега верувал дека не е жив, пишуваат денеска јужноамериканските медиуми.
Претседателот јавно призна дека во 2005 година почнал во врска со Габриела Запата, како и дека две години подоцна двојката добила син, но дека детето набргу починало, а тој и Запата се разделиле.
Мајката на детето сега тврди дека детето е живо и здраво, дека има осум години, дека живее во Боливија и дека се вика Ернесто Фидел.
Таа вели дека е подготвена да го покаже детето од нејзината врска со актуелниот претседател на Боливија, за да се види дека тоа е живо и постои, но нагалсува дека тоа ќе го стори само за медиумите.
Отритието за вонбрачниот син на неженетиот Моралес се случи во текот на една специјална емисија на боливиската телевизија, околу истрагата што ја воделе новинарите за раширената пракса во домашното градежништво и изградбата на станови во стилот „купи-продади“.
Повод за новинарската истрага била одлуката на владата во Ла Паз да направи вносен договор со една кинеска градежна фирма, стационирана во Боливија. Во кинеската фирма, како еден од директорите работела и Габриела Запата, за која новинарите откриваат дека до 2007 година би била партнерка на сегашниот претседател Моралес.
Веднаш по емитувањето на програмата, Обвинителството започнало истрага, а властите ја уапсиле Запата под сомнеж за „перење пари“ и за злооупотреба на функцијата.
Тетката на Запата, која ја посетила во затворот, изјави пред медиумите дека детето живее во Ла Паз, а таквата информација ја потврди и адвокатот на уапсената.
Моралес од својата страна изрази спремност да се сретне со својот досега невиден син, признавајќи го како свое дете, па дури и рекол и дека ќе плаќа за неговото издржување.
Министер во владата, меѓутоа, денеска им изјави на локалните медиуми оти детето, сепак, починало, набргу по породувањето.
Но, Запата и натаму тврди дека ќе го покаже детето, но само ако со неа бидат и медиумите, оправдувајќи ја претпазливоста со „безбедносни причини“.
Ево Моралес (56), кој има други две деца од претходни врски, никогаш не бил оженет. Врска со Габриела Запата, која сега има 28 години, ја започнал кога таа била на 18-годишна возраст.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово