Евакуации во Москва и Санкт Петербург поради закани за поставени бомби
Повеќе од 20.000 луѓе се евакуирани од јавни објекти, трговски центри и училишта во Москва и околината, по анонимна дојава за поставени бомби испратена преку електронска пошта.
Евакуирани се околу 90 згради, меѓу кои училишта, факултети, трговски и деловни центри, болници и управни згради, наведува новинската агенција РИА Новости, повикувајќи се на информации од итната служба.
Спроведена е евакуација и во вториот по големина руски град Санкт Петербург, каде во претходните денови веќе имало лажни предупредувања за бомба.
Никакви сомнителни предмети не биле пронајдени при извршените претреси по евакуациите.
Властите соопштија дека заканите за бомби пристигнале преку електронска пошта од странство, конкретно од Украина.
Во текот на 2017 година Русија веќе беше погодена од масовни анонимни дојави за поставени експлозивни направи, поради што беа евакуирани вкупно два милиона луѓе. Ниту тогаш не беше пронајдена никаква бомба.
Ново на Сител
-
Младите веќе не заминуваат само поради пари, туку пред се поради немање пристојни услови за градење иднина
-
Орбан нуди посредство за преговори со Софија, одлуката на Брисел ја оцени како историска грешка
-
Тема на денот со Ненад Марковиќ, универзитетски професор
-
Средношколци во Сител за Денот на медиумите
-
Средба Мицкоски - Орбан во Охрид
-
Kој е виновен што Mакедонија не напредува кон ЕУ – партиите си разменија обвинувања
-
Експерти: ЕУ не може да гарантира дека ќе запрат бугарските барања, потребна е волја за дијалог
-
Мицотакис од Њујорк: Добрососедски односи и почитување меѓународни договори за влез во ЕУ