Еурофарм Р. домаќин на московски Спартак во дебито во СЕХА лигата

Ракометарите на Еурофарм Работник во премиерниот меч во СЕХА конкуренцијата ќе игра против уште еден дебитант, рускиот Спартак Москва. 

Иако, ова е прва сезона за битолчани, сепак тие веќе имаат зацртано цел, пласман во втората фаза. 

„Имавме тешки подготовки, но спремни сме за официјални натпревари. Заслужуваме да бидеме дел од европската и регионалната елита. За натпреварот против Спартак Москва мислам сите веруваме во успех. Сакам да ги поканам сите битолчани и сите вљубеници на ракометот да ни ја дадат поддршката и заедно да славиме многу победи“, истакна капитен Гоце Ојлески.

Покрај московски Спартак, „Фармацевтите“ за противници во групата Б ќе ги имаат и екипите на Веспрем, ППД Загреб, Мешков Брест, и Металопластика.

Вечерашниот дуел меѓу Еруофарм Работник и Спартак кој ќе се игра во реновираната сала „Боро Чурлесвки“ ќе започне од 20:45 часот