ЕУ програма за јакнење на борбата против корупција и организиран криминал
Зајакнување на институциите во борбата против корупција, перење на пари и финансирање тероризам, e целта на заедничката програма за борба против корупција, економски и организиран криминал на Европската унија и Советот на Европа, чиј почеток ќе биде означен денеска на конференцијата „Акција против економски криминал“.
Како што е најавено на конференцијата ќе се обратат Министерот за финансии Кирил Миновски и Моника Мартинез од Советот на Европа.
Заедничката програма треба да обезбеди поддршка на Управата за финансиско разузнавање, финансиската полиција, министерствата за правда и внатрешни работи, како и компаниите од финансискиот сектор во нивните напори во борбата против економскиот криминал и корупцијата.
Програмата има буџет од 1.350.000 евра и првенствено се фокусира на зајакнување на операциите против перење на пари и спречување на финансирање на тероризам. Таа има за цел да помогне на државата за имплементирање на релевантни препораки од Европската комисија, како и од Советот на Европа за следење на телата кои се борат против корупција, перење на пари и финансирање на тероризам.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација