ЕУ позитивно гледа на посетата на бугарскиот премиер во Скопје
Висок дипломатски извор во ЕУ потврди дека новиот импулс во односите помеѓу Бугарија и Македонија после посетата на бугарскиот премиер е добар знак за почетокот на преговори со ЕУ, јави дописничката на МИА од Брисел.
Дипломатски извор од француското претседателство денеска потврди за МИА дека посетата на премиерот на Бугарија Кирил Петков во Скопје оваа недела претставува отворање помеѓу двете страни.
-Не сакам да зборам на место на лидерите, но гледаме отворање, ние како претседателство бараме конкретизација за да можеме да ги отвориме преговорите за членство, не само со Македонија туку и со Албанија штом условите се исполнети, објасни овој висок дипломат во Брисел.
Во вторник во Брисел ќе се одржи редовниот Совет за општи работи на ЕУ каде ќе се состанат министрите за европски прашања на ЕУ. Проширувањето нема да биде на дневен ред, потврди француското претседателство, кое претседава со состанокот. Но министрите се слободни да го покренат прашањето за проширувањето или за Македонија доколку сметаат дека е потребно.
Франција нагласува и дека останува на располагање на двете страни да им помогне да го надминат спорот и да изнајдат решение.
-Од почеток рековме дека ќе поттикнеме изнаоѓање на решение помеѓу Бугарија и Република Македонија, рече француски дипломат за МИА.
Ново на Сител
-
Приведен охриѓанец кој го фотографирал гласачкото ливче
-
До 13 часот во Куманово одѕивот 23 проценти, во Липково 16, во Старо Нагоричане 22
-
Излезноста во Струга до 13 часот 16 отсто, во Вевчани 33 проценти
-
Им ветувале бесплатни водомери за да гласаат во нивно својство, пријавен случај на поткуп
-
До 13 часот во Прилеп гласале 31,41 отсто од граѓаните со право на глас
-
Излезноста до 13 часот е 26.35 отсто
-
Утре нова рунда од дијалогот Белград-Приштина
-
Во Крива Паланка излезноста на изборите до 11 часот е 24,5 отсто