ЕУ отвора уште две поглавја во пристапните преговори со Србија
Србија в понеделник на 11 декември во Брисел ќе отвори две нови поглавја од преговорите за членство во ЕУ.
Конечната одлука да се отворат поглавјата 6 и 30 денеска ја донесоа амбасадорите на земјите членки на ЕУ.
На состанокот на постојаните претставници на земјите членки на ЕУ на амбасадорско ниво, без расправа е потврдена согласноста на сите 28 држави на Унијата Србија в понеделник на Меѓувладина конференција да отвори две нови поглавја во пристапните преговори со ЕУ.
Се работи за поглавјето 6 кое ја покрива областа на правата на трговските друштва и поглавјето 30 за економски односи со странство.
Иако и поглавјето 33 за финансиски и буџетски одредби до последен момент беше предмет на разгледување, сепак пет членки на Унијата не дале „зелено светло“ за негово отворање.
Според дипломатски извори во Брисел, како што јави Танјуг, меѓу членките кои овој пат не одобриле отворање на ова поглавје биле Германија и Франција.
Дипломатски извори додаваат дека овие земји не се задоволни од напредокот што Србија го остварила во областа на владеење на правото, односно во исполнувањето на Акцискиот план за поглавјето 23 кое се однесува на правосудството и основните права.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово