ЕУ очекува државите од Западен Балкан да работат на помирување и спроведување на реформите
Европската комисија денеска изрази очекување државите од Западен Балкан да ги насочат напорите во исполнување на програмите за реформи, за да напредуваат на патот кон ЕУ.
- ЕУ го поддржува принципот за помирување на Западен Балкан. Европскиот совет изрази поддршка за јасна европска перспектива на регионот. Ќе продолжиме да работаме со тие држави на билатерална основа за поефикасна регионална соработка, изјави портпаролот на Комисијата.
Тој, по повод изјавите на албанскиот премиер Еди Рама за заеднички претседател на Албанија и Косово, рече дека изјавите, кои би можеле да бидат сфатени како политичко мешање во соседните држави, не помагаат за воспоставување на добрососедски односи.
ЕУ очекува изградба на добри и трајни односи со соседите, како и фокусирање на сопствените програми за реформи, со цел да државите од регионот да напредуваат на патот кон ЕУ, истакна портпаролот на Комисијата
Рама вчера изјави дека е можно Косово и Албанија некогаш да имаат „заеднички претседател како израз за национално единство“. Тој забележа дека двете земји веќе имаат заеднички амбасади и дипломатски претставништва.
Ново на Сител
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани