Свет
28. March 2018 - 21:09

ЕУ: Можни се нови санкции против Иран

Амбасадорите на Европската унија разговараа денеска за можни нови санкции против Иран на предлог на Британија, Франција и на Германија. Одлуката за нивно воведување може да биде донесена на состанокот на министрите за надворешни работи во следната недела.

– Идејата е да се дојде до конечна одлука по прашањето за санкции врз Иран до состанокот или на самиот состанок на Советот на министри за надворешни работи во април, изјавил неименуван дипломат.

Состанокот најверојатно ќе биде закажан на 16 април во Луксембург. Британија, Франција и Германија предложија воведување нови санкции од ЕУ против Иран поради неговите балистички ракети и улогата во судирите во Сирија, наведуваат западни медиуми.