ЕУ го поздрави враќањето на опозицијата во Собранието, очекува прогрес за Специјалниот обвинител
Европската унија преку Европската комисија, денеска го поздрави враќањето на избраните пратеници на опозициската СДСМ во македонското Собрание, што е според договорот од 2 јуни и протоколот од 15 јули. Официјален Брисел, исто така, испрати порака дека многу одблиску го следи развојот на настаните и очекува прогрес во однос на изборот на Специјалниот обвинител, чиј краен рок е за две недели.
- Ние го поздравуваме фактот дека опозиција сега е вратена во парламентот. Знаете дека ова е дел од договорот посредуван од Европската унија, што беше постигнат во јуни и јули оваа година. Многу е важно овој договор да се исплементира и ние сега очекуваме парламентот да работи на реформските приоритети во интерес на целата земја, порача портпаролката на Еврокомиијата, Маја Коцијанчич.
Во однос на проблемите при изборот на Специјалниот обвинител и можноста да се пробие крајниот рок, а тоа е 15 септември, гласноговорничката на еврокомесарот за преговори за проширување, Јоханес Хан, со дециден одговор дека Брисел очекува прогрес на ова поле.
- За прашањето за Специјалниот обвинител, работата на ова се уште се одвива и ние очекуваме партиите да ги задржат и имплементираат сите обврски. Еврокомисијата и посебно комесарот Хан го следат ова многу одблиску и ние очекуваме прогрес исто така и на ова поле, истакна Коцијанчич.
Како што претходно порачаа од неформалната влада на Европската унија, роковите за избор на Специјален обвинител, како и на министри во македонската Влада што ќе ги предложи опозициската СДСМ, заклучно со одржувањето на предвремените парламентарни избори на 24 април 2016 година, се јасни и прецизни и не смее да се пробиваат од ниту една од четирите партии (ВМРО-ДПМНЕ, СДСМ, ДУИ и ДПА), чии лидери го потпишаа договорот на 2 јуни и 15 јули, со кој се стави крај на политичката криза во Македонија.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација