ЕУ бара итни реформи во правосудството во Албанија
Зачестените случаи на корупција ја поттикнаа делегацијата на ЕУ во Албанија, уште еднаш да упати апел до албанскиот политички врв, што поитно да се донесат реформите во правосудството, јави дописникот на МИА од Тирана.
- Кога една земја почнува преговори за членство, борбата против корупцијата е едно од прашањата кое прво треба да се третира. Тоа, исто така е и причина поради што комесарот Јоханес Хан изјави дека е многу значајно изгласувањето на реформите во правосудството да се случи пред лето, за да може ЕК да даде позитивна препорака за проширување на есен, изјави Јан Рудолф од делегацијата на ЕУ во Тирана.
Според тиранската телевизија Топ-чанел, која ја пренесува неговата изјава, секој втор албански граѓанин смета дека политичките функционери бараат мито, директно или индиректно. Што се однесува до довербата во антикорупциската политика на владата, таа достигна најниско ниво во последните 15 години.
- Речиси четири од пет албански граѓани не верува дека корупцијата може видно да се намали. Најкорумпирани, според албанските граѓани, се судиите, царинските функционери, носителите на јавни функции како и политичките лидери, јави телевизијата.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората