Естонија не победи, Македонија остана без квалификации за СП

Македонската кошаркарска репрезентација не успеа да ги мине претквалификациите за Светското првенство 2019 откако во последниот натпревар во рамки на групната фаза, Косово синоќа ја совлада Естонија.

 

На „црвено-жолтите“ не им одговараше победа на домаќинот, Естонците беа блиску до триумф, бидејќи на две минути до крајот водеа со 67:64, но Косово со серија од 11:2 стигна до триумф од 75:69.

 

Со тоа, македонската селекција е третопласирана во групата Ц, зад првопласираната Естонија и Косово и не обезбедува пласман во квалификациите за СП.

 

Ждребот за последните осум места во групите за квалификациите за СП 2019 ќе биде одржан в четврток (24 август).