Свет
19. February 2018 - 8:50

Еруптира вулканот Синабунг во Индонезија

Вулканот Синабунг на индонезискиот остров Суматра исфрли пепел и жешка пареа на повеќе од 5.000 метри во атмосферата и по неговите падини.

Вулканот е еден од трите во земјата кои моментно се во процес на ерупција. Четири века тој бил „заспан вулкан“ пред да еруптира во 2010 годин, при што загинаа две лица. Четири години подоцна во нова ерупција загинаа 16 лица, додека пред две години загинаа седум луѓе.

Поради сегашната вулканска ерупција, издаден е „црвен код“ за тревога за авиокомпаниите. Тоа значи дека ризиците се високи.

Во последниве години, поради зачестените ерупции на вулканот, околу 30.000 луѓе во областа ги напуштија своите домови.